Besøke

Vil du prøve den nye trenden glamping i unike omgivnadar med fantastisk utsikt over fjord og fjell? Her kan du bestille overnatting i dei stilige telta som ligg ved Høyt & Lavt Klatrepark. 

Nedstrand Feriesenter tilbyr langtids plassar for husvogner i gåavstand til Stranda.

Sandvik Camping tilbyr langtidscamping eller korttids-plassar i idylliske omgivnader langs Skjoldafjorden med utsikt til Borgøy.

Skjoldastraumen Camping i  Skjoldastraumen, Tlf.: 52 77 91 96/ 908 33 809

Det er fleire overnattingsmoglegheiter på Nedstrand gjennom nettstaden Air b&b. 

oversiktsbilde

 

 

Det er lett å komme seg til Nedstrand både via landeveg og sjøveg. Frå E39 tar du av til fylkesveg 515 i Grinde, og passerer den idylliske nabobygda Skjoldastraumen på veg søraustover. Når du har passert Yrkje, er du på Nedstrandshalvøya. Frå Espevik opnar bygda seg mot fjorden. Her kan du ta av mot Liarvåg om du vil, eller fortsette innover. Du passerer Muslandsvåg og finn Hinderåvåg, før du når Stranda, der hurtigbåt og ferje kjem inn. Vidare innover kjem du til Nessa og Kvam, og Ringja heilt innerst.

Her finn du bussrute til Nedstrand. 

Kjem du sjøvegen, kan du velge ferge i Jelsasambandet. Denne ferga tek deg innover i Ryfylke eller sørover til Stavanger via Finnøy.

Her finn du rutetider for ferja. 

Hurtigbåten er eit fint alternativ til bil, om du kjem frå Stavanger, eller skal sørover. På fine dagar er det òg reine eventyret i vakker Ryfylkeskjærgård:

Her finn du rutetider for hurtigbåt. 

Reiser du med fly, er Helganes utanfor Haugesund nærmaste flyplass. Ein reknar ca ein times kjøring dit. Sola utanfor Stavanger er heller ikkje langt unna, men du må rekne ca to timars kjøring etterpå

Currently
Currently
Currently
Currently
Currently

Har du gløymt matpakken på turen til Nedstrand, treng du ikkje fortvile. I tillegg til våre tre Jokerbutikkar, kan du òg finne tre serveringsstader:

Café Nais ligg på rett innanfor ferjekaien på Stranda, og tilbyr varm og kald mat. Her vil du òg kunne oppleve små konsertar  frå tid til annan.

Kaféen i Klatreparken har åpent i åpningstida til parken. Dei tilbyr kortreist og sunn mat.

Jordbruksskulen på Tveit opnar dørene for svoltne middagsgjester kvar søndag.

 

Bygda vår har så mange nærbutikkar som me fortjener – altså heile tre stykker.  Og her snakkar me kvalitet. Anten du treng heilt ordinære daglegvarer, landbruksprodukter eller bare å slå av ein god prat – så får du det du kjem for. Trivelege kjøpmenn og gode møteplasser.

Joker Hinderåvåg

Joker Nedstrand

Joker Rasmussen

 

Høyt og lavt Klatrepark
Høyt og lavt Klatrepark på Nedstrand har fem løyper med totalt 78 elementer og har Norges eneste Zip-line på 304 meter med fjordutsikt. I dette vakre området er der også fine grill og rasteplasser. I den koselege kiosken/kafeén kan ein kjøpe seg mat og drikke.

Her kan du bestille bestille billettar til klatreparken. 

Himakånå
Besøk Nedstrand sitt svar på Trolltunga! Himakånå ruvar 357 m.o.h. og har spektakulær utsikt over Lysevatnet i nordvestlig retning, og Nedstrandsfjorden i sørleg retning.

Sett av 1,5 – 2 t tur/retur på den totalt 5,8 km lange turen. Parkering ved Joker Hinderåvåg, der det vidare er godt skilta til Himakånå.

Les meir om Himakånå her. 

Den gamle handelsstaden- TOLLBUA
I det idylliske trehusmiljøet på Stranda kan ein vandre mellom særeigne strandsitjarhus med frukthagar og båtplassar. Vernebygget på kaien rommar den gjenoppbygde tollbua frå 1600-talet. Den vitnar om ei tid med stor handelsaktivitet, skipsfart – ja til og med eit og anna sjørøvarraid. Bygdemuseet – Gamle Stranda skule og Vatlandssamlinga på Baustad, har utstilt ei rekke gjenstandar frå kvardag og utferd dei siste hundreåra. Vestanfor strandstaden ligg det gamle fogdesetet på Sandsgård. Det herskapelege våningshuset er rekna blant dei vakraste 1700-talsbygningane i Rogaland. Namnet dukker m.a. opp i romanane til Alexander Kielland, som residensen til den velståande Garman-familien.

Her kan du finne opningstider for Tollbua i 2018 og meir informasjon. 

Kyrkja i Hinderavåg
Nedstrand Kyrkje er saman med prestegarden sentralt plassert i bygdemiljøet på Hinderåvåg. Langkyrkja vart reist i 1868 og er basert på slottsarkitekt Linstow sine typeplanar. Det høgreiste tårnet som avsluttar skipet markerer seg godt mot fjellsida i bakgrunnen som rullar ned mot vågen og sjøen. Ti store vindauge slepp rikeleg med lys inn til det vakre kyrkjerommet. Gylne tømmerveggar varmar eit interiør prega av rolege grøntonar. Inst i koret står altertavla frå 1611. Med sine detaljrike utskjeringar og klare fargar frå Stavanger-renessansen er dette kunstverket kanskje Nedstrand sitt største klenodium.
Ned bakken mot elva Hinderå ligg den gamle middelalderkyrkjegarden. Her kan ein sjå steinstøtta som i gamle dagar vart nytta som gapestokk.

Sommaren 2018 er det open kyrkje kvar søndag. 

Nausttuftene på Leiranger
Ved garden Leiranger ligg tuftene etter eit stort båtnaust frå jernalderen . Med sine 34 meter er det blant dei største vi kjenner til frå Sørvest-Noreg. Vika med smalt innløp gir ei naturleg hamn som er skjult frå sjøen. Saman med den strategiske plasseringa på nordsida av Boknafjorden har dette vore eit godt eigna stad å halde skip. Naustet har truleg vore del av eit organisert kystforsvar – leidangen – som vart etablert av Håkon den Gode på 900-talet.

Unikt landskap
Saman med det tradisjonelle bygningsmiljøet er landskapsverdien på Nedstrand rekna som svært høg. Ei kartlegging gjort av fylkeskommunen plasserer området i øvste kategori, som tyder at det er av nasjonal interesse utifrå kriterier som heilskap, variasjon og særpreg. Grunnen er m.a. det kontrastfylde landskapsrommet, møtet mellom Kleibergfjellet, den bølgjande skråninga og den intime tettstaden ved sjøen nedanfor.

Enkelte stader har ein vid utsikt mot skjærgården i Ryfylke, andre stader er strandlinja ramma inn med lune viker, bukter og holmar. Plantelivet er variert, med innslag av kalkkrevjande artar, eldre svartorskog, kristtorn, einermark, hagemark og jordbrukslandskap.

Det er mange turmoglegheiter om ein vil oppleve dette landskapet. Utsiktspunktet på Holekleiv gir eit vakkert utsyn over strandstaden med havnebassenget og øyane i bakgrunnen. Tek du ein fottur til Tonganeset, kan du sjå Stranda frå sjøsida. På vegen passerer du dessutan badestranda på Leirå og den gamle skulestova frå Nessa, og nokre store gravrøyser frå bronsealderen. Fjelltoppane på Nedstrandshalvøya er populære turmål. Det er merka løyper både til Stølanuten, Dalvanuten, Lammanuten og Hest.

Tveitskogen
I Tveitskogen er det fleire fine turvegar. Langs kyststien ligg eit verna område der urskogen har fått stå urørt. Den rommar i dag eit rikt naturliv. I den kultiverte delen av skogen finn ein feire eksotiske treslag som har vore planta som ein del av forskinga til jordbruksskulen.

Matkultur
Timianland. Gode vekstvilkår i solvarme bakkar gjer at det i mange generasjonar har blitt dyrka timian på Nedstrand. Planta var lite plasskrevjande, og gav ei grei ekstrainntekt for hageeigarar og småbrukarar. Dei velduftande bukettane kunne dei selje på ”Timiantorget” i Stavanger. I dag dyrkar nok folk mest til eige bruk, men urta er stadig ein kjærkomen ingrediens i komlegryta, eller til steika av årslam frå Ryfylke.

Er du svolten medan du er i bygda, kan du få eit bord på Café Nais i det trivlege gatemiljøet på Stranda. Blir blodsukkeret lågt i klatreparken er det heldigvis også der ein kafé med sitteplassar ute på gårdsplassen. I tillegg diskar Jordbruksskulen opp med søndagsmiddag kvar veke.

Til fots
For å få eit skikkeleg inntrykk av Nedstrandshalvøya, skal ein aller helst oppleve den til fots. Her er noko for ein kvar smak og kondisjon! Om ein vel høgaste nuten i Tysvær, som er Lammanuten på 631 moh – eller om ein tar seg ein kveldstur til Hest, som ligg på 352 moh – så får du mykje av den same wow-kjensla! Her er utsynet til fjord, fjell og Ryfylkeskjærgård formidabel. På Lammanuten får du i tillegg 360 graders utsikt til fjordane som omgir halvøya.

Tur

Her kan du finne mange fine turar på Nedstrand!

Spør du ein innfødd, vil du få mange andre turforslag. Alle nedstrendingar har sine eigne favorittturmål. Tar du med deg ein kjentmann, er moglegheitene ubegrensa. Om dei ikkje kan vere med, vil dei garantert dele av kunnskapen sin. Med fiskestong i sekken, kan du fiske deg ein liten aure i eit av vatna innpå fjellet – fyre opp eit bål i vatnkanten og nyte kortreist mat. Stormtur til Stong, for å sjå vinden bryte krefter mot land, eller rusletur til ein nedlagt husmannsplass. Nutane, strendene og opplevingane står i kø.

Men spør du kor kantarellene trivst på hausten, eller myrbæra gøymer seg vinterstid, må du rekne med påtatte tomme blikk og skuldertrekk. Då må du nok ut og leite sjølv…

Allemannsretten gjer at du kan gå tur og telte kor du vil i utmark, men ein skal ikkje vere til sjenanse for grunneigar. Er du i tvil, er det lurt å slå av ein prat.

Nedstrand ligg flott til i Ryfylke der Boknafjorden og Vindafjorden møtest, skjerma for nordavinden og med ein fantastisk natur. Båtforeninga har 123 faste plassar i flytebrygge med bølgjedempar og plass til 20-30 gjestebåtar. Det er tilgang til straum og vatn i hamna og drivstoff frå automatpumpe.
Det er flott nytt servicebygg i båthamna, med dusj, toalett og vaskemaskin.
Dei lokale kjøpmennene har eit utval av tau og anna utstyr til båt i tillegg til vanlege kolonialvarer. Butikkar og kafé er rett ved båtforeninga.

Les meir om båthamna her!

Nedstrand Båtforening, 5560 Nedstrand
Epost: nedstrand.bf@gmail.com
Heimeside: www.nedstrand.org
Mobil: 467 67 200

Sjøkart for Nedstrand

 

¸